Aktîvîstanê Têgêrayîşê Ciwanan ê Şorişgêran (TCŞ) xeylêk şaristanan de bi çalakîyan tecrîdê vera Rayberê Şarê Kurdî Abdullah Ocalanî û hêrişê îşxalî yê dewleta tirke ya îşxalkere şermezar kerdî.

Şaristanê Marignane yê Fransa de ciwananê TCŞyî vera tecrîd û îşxalî hêverî çalakîya rayraşîyayîşî kerde, dima zî eşkerayîyêke daye. Ciwanan eşkerayîye de da zanayene ke ê seba azadîya Ocalanî û Kurdîstanî do tim waran de bibê. Ciwanan çalakîye de posterê Rayberê Şarê Kurdî û alayê PKKyî akerdî.

Şaristanê Stuttgartî yê Almanya de aktîvîstanê TCŞ û TÊKO-JIN seba azadîya Ocalanî çalakîyêke kerde. Aktîvîstan çalakîye de pare kerd ke ê qebul nêkenê ke Rayberê Şarê Kurdî 23 serrî yo binê tecrîdî de yo. Ciwanan dima bazarê merkezê Stuttgartî de çalakîya bêîteate ya sivîle kerde.

Şaristanê Strasbourgî yê Fransa de aktîvîstanê TCŞ û TÊKO-JIN bi eşkerayîyêke tecrîdê Îmraliyî û hêrişê îşxalî protesto kerdî. Çalakîye de pankarta 'Ma ciwanan reyde dest pêkerd, ma do ciwanan reyde ser bikewê' ameye akerdene. Çalakîkeran ard ziwan ke heta ke Ocalan azad bibo ê do meydanan de bibê. Çalakîye de seba ke PKK lîsteya terorî ra bêro vetene îmzayî arê dîyayî.