3yê hezîrane de îqtîdarê AKP-MHPyî Şaredarîya Colemêrgî ya DEM Partî xesp kerdbî, Hemşaredar Mehmet Siddik Akiş tepiştbi û qeyûm tayînê şaredarîye kerdbi.

Vera destsernayîşê Şaredarîya Colemêrgî ewro Taxa Tekserî de mîtîngêko pîl do bêro kerdene. Xeylêk şaristananê cîyayan ra bi des hezaran merdimî şaristan de yenê pêser.

Mîtîngê bi şîarê ''Ma do rayîr nêdê destsernayîşê şaredarîyan'' hetê DEM Partî ra yeno serûberkerdene.

Nika ra Îzmîr, Adana, Amed, Erzirom û Agirî ra bi seyan merdimî resayî şaristanî. Şar verê bînaya DEM Partî de yeno pêser.