Vakurê Kurdîstanî de namzedê şaredarîyan ê DEM Partî zîyaretanê xo rê dewam kenê û zîyaretî bi coşê şarî vurîyenê mîtîngî. Zîyaretan de mesajê ''Ganî vengê Kurdîstanî xurt vejîyo. DEM DEMê Kurdîstanî yo'' dîya.
Vakurê Kurdîstanî de namzedê şaredarîyan ê DEM Partî zîyaretanê xo rê dewam kenê û zîyaretî bi coşê şarî vurîyenê mîtîngî. Zîyaretan de mesajê ''Ganî vengê Kurdîstanî xurt vejîyo. DEM DEMê Kurdîstanî yo'' dîya.
Riha û qezayanê ci de namzedê Şaredarîya Mêrdînî Ahmet Turk û Hemserekê HDPyî yo verên Mîthat Sancar zî tewrê xebatanê weçînayîşî bîyî.
Sêwrege bi beşdarîya Ahmet Turk, Mîthat Sancar, Wekîl Ferît Şenyaşar û namzedê Şaredarîya Riha Celaleddîn Erkmen û Gulşen Ozer û namzedê Şaredarîya Sêwrege Yildiz Çetîner û Alî Dusak buroyê weçînayîşî ame akerdene. Ahmet Turkî tîya de ard ziwn ke ganî şarê Riha 31ê adare de cewab bido axa û şêxan û wayîrê sindoqan vejîyo.
Dima girse derbazê qezaya Wêranşarî bîyî û namzedanê Şaredarîya Wêranşarî Bedriye Yorgun û Serhat Dîcle Înan girse pêşwazî kerd. Ahmet Turkî tîya de wina xîtabê şarî kerd: ''Ganî vengê Kurdîstanî xurt vejîyo. DEM DEMê Kurdîstanî yo.''
Girseyî qezayê Serêkanîyê, Hewag, Pirsûs û Bêrecukî zî namzedanê xo reyde zîyaret kerdî û şarî de qisey kerd.
Qezaya Norşînî ya Bedlîsî de namzedê ŞAredarîya Norşînî Ulfîye Ozcan û Mehmet Şîrîn Oncu keyeyî zîyaret kerdî û vilawekî vila kerdî.
Erdexan de namzedê qezaya Golanî Serkan Yilmazî esnafî zîyaret kerdî û goş na meseleyanê înan ser.
Qers de rimxê serd û vewre zî namzedê Şaredarîya Qersî Arzuye Savaş Derman û Kenan Karhanci zanîngeh zîyaret kerd û wendekaran de pêvînayîş kerd.
Namzedanê Şaredarîya Dêrsimî Bîrsene Orhan û Cevdet Konakî nêweşxaneyî, Mudirîya Keye û Polîtîkayanê Komelkîyan, Mudirîya PTTyî, Odaya Esnaf û Zenaatkeran, Odaya Zîretî û Baroyê DÊrsimî zîyaret kerdî.
