2yê hezîrane de qezaya Curnê Reşî ya Riha de weçînayîşê şaredarîye do bêro kerdene. Wekîla DEM Partî ya Riha Dîlane Kunt Ayan zî tewra xebatanê weçînayîşî bena.

Wekîle Dîlane Kunt Ayan derheqê babete de ANFyî rê qisey kerd. 

Dîlane vist vîrî ke Heyetê Weçînayîşan ê Riha û Heyetê Weçînayîşî yo Berz (YSK) destê îqtîdarî de yê û nînan bi betalkerdişê netîceya weçînayîşê 31ê adare dest nayo îradeyê şarî ser. Dîlane vat: ''Şarê Curnê Reşî DEM Partî 31ê adare de tercîh kerdbi. Ma pê bawer ê ke êyê ke tehamulê îradeyê şarî nêkenê do cewabêkê xurtêrî bigêrê. 

Şar hinî îqtîdarê AKPyî ra aciz bîyo. Curnê Reş de 40 serrî yo şarî rê qetî xizmet nêno kerdene. Şar hinî wazeno ke tîya de xizmetanê partîya ma bivîno. Ma bi bawer ê ke 31ê hezîrane de bi ferqêkê pîlî ser bikewê.''