Qezaya Curnê Reşî ya Riha de waştişê AKPyî ser o weçînayîş amebi betalkerdene. Weçînayîş de DEM Partî şaredarîye qezenç kerdbî. 

DEM Partî vizêr Curnê Reşî de waşt ke seba ke endamanê AKPyî rayî vêşnabî wa weçînayîş nêro dibarekerdene. La îtîrazê DEM Partî ame redkerdene.

DEM Partî dîmenê serê vêşnayîşê sindoqanê rayan teslîmê Heyetê Weçînayîşî yê Riha kerd. Rixmê ney zî îtîraz ame redkerdene.

Curnê Reşî de 2yê hezîrane de newe ra weçînayîş do bêro kerdene.

Rêxistin DEM Partî bire ra dima verê Heyetê Weçînayîşî yê Riha de eşkerayîye daye. Wekîlê DEM Partî Omer Ocalanî eşkerayîye de îfade kerd ke ê do babete teqîb bikerê û bikirişê rojdemê Meclîsî. Ocalanî vist vîrî ke merdimanê wekîlê AKPyî rayî vêşnayê û vat: ''Ma do pes nêkerê. No hema destpêk o.''