Raportorê Tirkîya yê Meclîsê Parlamenteran ê Konseya Ewropa (MPKE) Stefan Schennachî mabênê 11-14ê hezirane de zîndanê Tirkîya zîyaret kerdbî. Schennachî raporê serê zîyaretanê xo de dîyar kerd ke zîndanan de xeylê binpaykerdişê heqan est ê. Rapor de  tecrîdê vera Rayber Apoyî zî cagirewt.

Schennachî Ajansê Mezopotamya rê qisey kerd û îfade kerd ke o do seba vînayîşê Rayber Apoyî muracat bikero. Schennachî vat: ''Tecrîdê vera zîndanan vera heqanê merdiman o û asta îşkenceyî de yo. Seba pêvînayîşê bi Ocalanî ez do muracat bikera. Ez do çele de ancî Tirkîya zîyaret bikera.

Schennachî bale ante destsernayîşê şaredarîyan ser û vat: ''Şaredarî bi weçînayîşan ameyî. Hukmat neçare yo ke demokrasî qebul bikero.''

Schennachî vist vîrî ke Tirkîya goreyê biranê Mehkemeya Heqanê Merdiman a Ewropa ganî têbigêra û seba caardişê biran xîretî do dewam bikerê.

Schennachî ard ziwan de heyetê wezîran zî seba caardişê biran israr keno.