Cerganê DAÎŞî bi taybetî herêmanê Tîkrît û Ambarî yê Iraqî de, herêma Germîyanî ya Başûrê Kurdîstanî de û Musil, Kerkûk û Dîyala de hêrişê xo zêdînayî.

Cerganê DAÎŞî şewa 21ê temmuze eşt dewa Şerkî ya qezaya Xaneqînî ya Dîyala ser. Goreyê zanayîşanê ke herêmîyan ra ameyî girewtene, noqtayêke de ke hêzê artêşa Iraqî tede ya, cerganê DAÎŞî 'alaya xîlafetî' daliqnaye. Serebût herême de hêzê leşkerîyî têbigêrê.

Labelê wexto ke leşkerê Iraqî ver bi herême kewtî rayîr, dekewtî çemberê DAÎŞî. Ame parekerdene ke hêriş de leşkerêk kişîya û leşkerêk zî bi giranî birîndar bîyo.

Hêzanê artêşa Iraqî di hewteyî verê cû vera cerganê DAÎŞî pê fermanê Serekwezîrê Iraqî û Fermandarê Pêroyî yê Hêzanê Çekdaran Mustafa Kazimîyî herême de dest pê operasyonêkê pîlî kerdbi.

Kazimî pê helîkopterî tewrê operasyonê dormeyê Kerkûk û Mûsilî de bibi.