Şubeyê Îzmîrî yê Komeleyanê Elewîyan ê Demokratîkan (DAD) da zanayene ke ê do bi wesîleya 21ê Sibate Roja Ziwanê Dayîke kargehê perwerdeyê kirdkî bidê.

DADî derheqê babete de eşkerayîyêke daye û bale ante asîmîlasyonê vera kurdkî ser. DADî vat: ''Ma bi nê kargehî wazenê bale biancê girîngîya ziwanî ser û reyna wazenê ke wa ziwanê ma bibo ziwanê perwerdeyî. Nê armancî ser o ma gama yewîne erzenê û kursanê kirmanckî (kirdkî) danê destpêkerdene. Ma venga şarê xo danê ke bi hîsgerî tewrê nê kursî bibê.''

DADî pare kerd ke kurs her roja şemeyî mabênê saete 15.00-16.00 de bînaya şubeyê înan de do bêro kerdene.