Tepişteyê dewaya PKK û PAJKî grevê xo yê vêşanîye 4ê nîsane ra nata çarçewa safhaya diyîne de mehkemeyan boykot kenê û nêşinê pêvînayîşan. Merdim û keyeyê tepişteyan zî hetêkî ra Nobeta Edaletî kenê hetê bînî ra zî her dişemeyî çalakîyan 'Bibê vengê azadîye' kenê.

Dadîyanê Nobeta Edaletî ra Muşehere Ulker ANFyî rê qisey kerd.

Dayîke Muşehere îfade kerd ke ganî mesuldarîye teyna milê tepişteyan de nêba û vat: ''Tecrîd zulmê vera pêro kurdan o. Heta ke tecrîd nêqedo şar do azad nêbo. Ganî berê Îmraliyî bêrê akerdene. Heta ke berî anêbê tepişteyî do çalakîya xo rê dewam bikerê. Nika tepişteyî tewrê pêvînayîş û mehkemeyan nêbenê. Xora ma domananê xo meraq kenê. Rayber Apo zî 25 serrî yo tecrîdkerde yo. AKP bi tecrîdî kurdan rê zulm keno. 

Ganî her kes vera tecrîdî vengê xo berz bikero. Eke ma ewro vengê xo nêkero siba ê do bikewê keyeyê ma zî. Sîyasetmedarê ma tepişîyenê, ciwanê ma tepişîyenê, her roje operasyonî yenê kerdene, qeyûmî tayînê şaredarîyanê ma benê Sebebê nê pêroyîyan tecrîd o. Kurdîstan de Ewropa de ganî ma vera tecrîdî wurzê payan ser. Heta ke tecrîdî nêşiknê ma do nêvinderê.''