Tepişteyê dewaya PKK û PAJKî seba çareserîya meseleya kurdan û vera tecrîdê serê Rayberê Şarê Kurdî Abdullah Ocalanî 27ê teşrîna peyêne ra nata grevê vêşanîye kenê.

Wan de seba paştdayîşê grevê vêşanîye serkêşîya TUHAY-DERî de 7 rojî yo Nobeta Edaletî yena kerdene. Dadîyê ke beşdarê nobete bîyê, înan ANFyî rê qisey kerd.

Dayîke Eynîye Atabay vat: ''Di domanê ma grevê vêşanîye de yê ke wa Abdullah Ocalan keye û avûkatanê xo bivîno. Ma zî seba paştdayîşê domananê xo tîya de yê. Wa tecrîd hînî bêro wedaritene. Ma sey dadîyan venga hukmatî danê ke wa nê şerî biqedîno, wa domanê ma nêmirê. Ma haştîye û edaletî wazenê.''

Dayîke Yildize Tuncer vat: ''Ma xoverdayîşê zîndanan selam kenê. Sey dadîyan ma vanê ke wa tecrîd bêro wedaritene. Şarê kurdî ney wazeno. Ma tîya de benê vengê tepişteyan. Ganî şarê ma verê grevê vêşanîye yê tepişteyan de bêveng nêmano. Wa waştişê tepişteyan bêrê qebulkerdene.''