Mehmet Tarik Dagtaş (52) 30 serran ra dima Zîndanê Bodrumî yê Mugla ra vera dîya. Dagtaş Meydanê Teyarayan ê Amedî de hetê keyeyê xo û endamanê TUAY-DERî ra ame pêşwazîkerdene.

Dagtaşî tîya de qisey kerd û bale ante têkoşînê zîndanan ser. Dagtaşî vat: ''Embazan zaf selamî kerdî. Înan vat ke ê do xoverdayîşê xo rê dewam bikerê û waşt ke wa şar paştî bido nê xoverdayîşî.''

Dagtaş konvoyêke reyde şi qezaya Peyasî.

Dagtaş 1993 de  amebi destbendkerdene û cezaya muebede dîyabî ci.