Abdullah Zeydano ke sey Hemşaredarê Bajarê Pîlî yê Wanî ame weçînayene, heqê ci ame xespkerdene. Naye ser o sere de şarê Wanî Vakurê Kurdîstanî û Tirkîya de şar her ca de hêrsê xo ano ziwan û paştî dano şarê Wanî û Partîya Demîkrasîyî û Têdûştîye ya Şaran (DEM Partî).

Wan de şaro ke serê sibayî ra kuçeyan de yo fitarî ra dima zî çalakîyanê xo rê dewam kerd. Ciwanan kuçeyan de adir na ta û bi sloganan hêrsê xo ard ziwan û mesajê serkewtişî dayî.

Rêxsitina DEM Partî ya Amedî vera bêhuqûqîya ke Wan de ameye kerdene verê Heyetê Weçînayîşî yê Bajarî yê Dîyarbekirî de eşkerayîye daye. Eşkerayîye vera darbeya AKPyî nêrazîbîyayîş ame mojnayene û semedê xurtkerdişê têkoşînî ame vengdayene.

Colemêrg de zî şar vejîya kuçeyan û vera xespkerdişê îradeyê şarê Wanî hêrsê xo zard ziwan. Polîsan hêrişê şarî kerd.

Qazaya Geverî ya Colemêrgî de zî şar vera bêhuqûqîya ke îqtîdarê faşîtî kuçeyan de hêrsê xo ard ziwan û vat ê do bi têkoşînî ser bikewê.

Îstanbul de Hêzanê Demokrasîyî Kede û Haştîye seba ke mazbataya Hemşaredarê Bajarê Pîlî  yê Wanî Abdullah Zeydanî dîyayî namzedê AKPyî Kadikoy de bi çalakîyêke protesto kerd.

Reyna Sêrt,Farqîn, Êlih, Mêrdîn,Adana, Mersin û xeylêk bajaranê bînan ê Kurdîstan û Tirkîya de bi çalakîya vengvetişî û aktîvîteyanê cîya cîyayan xespêkerdişê îradeyî ame protestokerdene û  bi slogana ''Bijî berxwedana Wanê''  xoverdayîşê şarê ame selamkerdene û paştî dîyaye ci.