Abdullah Zeydano ke sey Hemşaredarê Bajarê Pîlî yê Wanî ame weçînayene, heqê ci ame xespkerdene. Şarê Wanî verê şarêdarî de ame pêser û semedê protestokerdişê xespkerdişê îradeyî dest pê rayraşîyayîşî kerd. 

Rixmê hêrişê polîsan şar bi slogananê ''Ma do bi xoverdayîş ser bikewê'', ''Dizd est o'' û '' Şarê Kurdî wayîrê îradeyê xo bivejê'' rayra şino.

Hetê bînî ra xoverdayîş her hetê bajarî ra vila beno. Bi hezaran kesan kuçeyan de barîkatî nayî ro. Tay nuqtayan de adir ame tafînayene. Esnafan kepenkî girewtî.

Polîsan bi bombayanê gazî  û awa tazîkine hêrişê  şarî kerd, xeylêk kesî birîndar bîyî.

Dîya zanayenne ke polîsî kewtî banê DEM Partî ya Wanî û bi bombayanê gazî hêriş kerd.

 Protestoyî vila her hetî ra vila bîyî. Ciwanî bi kerrayan cewabê hêrişê polîsan danê.