Komîteya Rayberdişê Merkezî ya DEM Partî eşkerayîyêke daye û bale ante netîceyanê Wanî ser.

Komîte pare kerd ke partîya înan pêro qezayê Wanî vistê destî û şarî bi nê hawayî cewabê rejîmê qeyûman zî dayo. Komîte vat: ''Hemşaredarê ma yê Wanî Abdullah Zeydanî pêro prosesê qanûnîyî ardî ca û muracatê YSKyî kerd. Namzedîya ci hetê YSKyî ra ameye qebulkerdene. Zeydan bi destekêkê pîlî ame weçînayene.

La 29ê adara 2024î de Wezîrîya Edaletî bi mektubêka îdareye namzedîya Zeydanî rê îtîraz kerd. Dima mehkeme bira dayîşê heqan ê Zeydanî daye la dima na bira xo binpay kerde. No çi çinhesibnayîşê îradeyê şarî yo. Abdullah Zeydan Hemşaredarê Wanî yo. Ma venga her kesî danê ke ney rê hûrmet bikero.

Şertê demokrasî yo sereke îradeyê şarî yo. Ma venga îqtîdarî zî danê ke îradeyê şarî rê hûrmet bikero! Ma ê kesanê ke wazenê îradeyê ma xesp bikerê zî hişyar kenê!''