Kurdîstan de çalakîyê vera darbe dewam kenê

Darbeya meclîsê tirke ya vera kurdan Kurdîstan de yena şermezarkerdene. Çalakîyan de mesajê xoverdayîşî dîyayî û semedê têkoşînê hemparî ame vengdayene.

Seba ke wekîlîyê Hemsereka Kongreya Komelê Demokratîkî (KCD) û wekîla Partîya Demokratîke ya Şaran (HDP) ya Colemêrgî Leyla Guven, û Wekîlê HDPyî yê Amedî Musa Farisogullariyî ameye wardeyene û ê ameyî tepiştene çalakîyê şermezarkerdişî dewam kenê.

Amed de bi tewrbîyayîşê wekîlanê HDPyî yê Amedî Remzîye Tosun û Semra Guzel, Hemsereka Pêroyî ya DBPyî Salîha Aydenîz û aktîvîstanê TJA eşkerayîya çapemenîye ameye dayene. Vervatoxa TJA Ayşe Gokkan wardayîşê wekîlîye sey polîtîkaya dişmenîye name kerd û ard ziwan ke Leyla Guven îradeyê heme cinîyan a ke cinîyî vera xespkerdişê îradeyê xo do bêveng memanê. Gokkane mesajê ma mexdûr nê xoverdayoxê da . Çalakîye bi slogananê ''Cinî, cuye azadîye'' qedîyaye.

Reyna bi eynî waştişî Êlih, Wan, Colemêrg,Şirnêx û Riha, Adana û Osamanî ye de çalakîyî ameyî viraştene û semedê pîlkerdişê têkoşînî ame vengdayene. Çalakîyan de ame vatene ke wekîlê ke îradeyê şarî temsîl kenê têna nîyê û hêrişê hukmatî şermezar kerdî.