Hemsereka Kongreya Komelê Demokratîkî (KCD) û Wekîla Partîya Demokratîke ya Şaran (HDP) ya Colemêrgî Leyla Guvena ke wekîlîya ci ameye destsernayene dima ke ameye tepiştene Ajansê Jinnewsî rê mesajêk şawit.

''Mesajê têkişînî yê Guvene de ca dîya nînan: Ma temsîlkarê şarêk ê ke nasname, kultur û estbîyayîşê ci ameyo înkarkerdene. Temsîlkerdişê yew şarî yo ke her çîyê xo semedê têkoşînî feda kerdo, rehet nîyo. La ma sey cinîyê kurdî Parîs  de  bîyî Sara, Rojawan de Arîne Mîrkan û Başûr de Avesta Xabur ke têkoşîn kerd û payra mendî. Têkoşîn ma rê mîras mend. Semedê temlîskerdişê kurdan wekîlîye şert nîya. Sey hemrayanê ma yê verênan ma zî do her warê cuya de têkoşîn bikerê. Sey cinîyêka kurde ez soz dana şarê xo ke heta azadîya şarê kurdî ez do her merhelayê têkoşînî de estbî. Sere de şarê Colemêrgî heme şarê ma rê heskerdiş û hurmetê xo şawena. Wa zerrîya şarê ma rehet bo. Hela tewr tarîye ya şewe hela tewr nizdî ya roje ya. Ma zî serkewtişî rê zaf nizdî yê.  Êyê ke tengayîye de ma nîyê.''