Goreyê xebera Rojnewsî şaristanê Merwane yê eyaletê Sine yê Rojhelatê Kurdîstanî de şewa bîne adir kewt daristanê Sewlawa û Endamê Meclîsê Sewzî Çiya û şarê herême seba hewnakerdişê şewatî şîyî daristan.

Zerarê şewatî çendek o nêzanîyeno û şewat hema nêame hewnakerdene.

Çend rojî verê cû zî adir kewtbi wareyanê Buzîn û Merxêlî yê şaristanê Pawe yê eyaletê Kirmaşanî. Şewat de 3 pawitoxê daristanan merdî û teqayîşê mayînan de zî çend kesî birîndar bîyî.