Serekê Rêxistina Sivîle ya Katalonya CIEMENî  David Minovesî derheqê tecrîdê vera Rayberê Şarê Kurdî Abdullah Ocalanî de Medya Haber TVyî rê qisey kerd.

Minovesî pare kerd ke azadîya Abdullah Ocalanî seba haştî û aramîya herême ya mende zaf girîng a. Minovesî îfade kerd ke Abdullah Ocalan teyna seba kurdan ney pêro warê mîyanneteweyî de sey rayberêkî yeno qebulkerdene û hêzê Ewropa 25 serrî yo heqanê Abdullah Ocalanî binpay kenê.

Minovesî vat: ''Astengkerdişê pêvînayîşê Ocalanî yê bi keye û avûkatanê ci û tecrîdê mutleqî rê dewamkerdiş binpaykerdişê huqûqî yo û çinhesibnayîşê heqanê merdiman o.''

Minovesî dîyar kerd ke fikrê Abdullah Ocalanî eşkenê kultur û komelanê cîyayan binê sîwana demokrasîyî de bîyarê yewca û vat: ''Konfederalîzmo Demokratîk o sîstem o ke îmkanî dano ke merdimatîye bigêra cewherê xo û pîya biciwîya. Mîsal Rojawanê Kurdîstanî no çi visto destî. Tojawan de ma eşkenê bivînê ke tecrubeya Konfederalîzmê Demokratîkî bi hawayêkê bêqusirî xebitîyena. Fikrê Ocalanî seva cuya haştîyane, têdûşt û azade lazim ê.''