Çalakîya Dayîkanê Şemeyî de aqibetê Kenan Bilginî ame persayene ke 30 serrî verî hetê dewleta tirke ra ame destbendkerdene û vînîkerdene. Çalakîye mesajê ''Ma bi merdimanê xo yê ke şima vînî kerdî serebez ê'' ame dayene.
Dayîkê/Merdimê Şemeyî semedê persayîşê aqibetê merdimanê xo yê ke bi destê dewlete ameyî vînîkerdene û muhakemekeridşê kerdoxan raya 1015î de Meydanê Galatasarayî de ameyî têhet.
Çalakîya nê hewteyî de aqibetê Kenan Bilginî ame persayene ke 12ê êlula 1994î de Dikmenê Anqara de hetê hêzanê dewleta tirke ra ame destbendkerdene û dima ra ame ''vînîkerdene''.
Eşkerayîye de ame vatene ke Tirkîya de bi seyan merdimî bi polîtîkaya dewlete ameyî destbendkerdene û vînîkerdene.
Birayê Kenan Bilginî, Îrfan Bilginê ke çalakîye de qisey kerd vera barîkatanê polîsan hêrsê xo ard ziwan û vat ê bi merdimanê xo yê ke hetê dewlete ra ameyî destbendkerdene û vînîkerdene, sereberz ê.
Dayîka Murat Yildizî yo hetê dewlete ra ame vînîkerdene, Hanife Yildiz zî aqibetê Narine Gurani persaye ke 18 rojî yo vînîbîyaye ya.
