Dayîkê Şemeyî: Rîyê polîtîkayanê îqtîdarî ra erdlerz bi felakete
Dayîkanê Şemeyî îfade kerd ke rîyê polîtîkayanê îqtîdarî ra erdlerz bi felakete û vat heta ke xebatê xelisnayîşî nêqedîyê gere xirbî nêrê hewaneyene.
Dayîkê Şemeyî hewteyê 934î de vîdeoyêke weşanaye ke tede binpaykerdişê heqan ê dimayê erdlerzî ca gênê. Masîde Ocak eşkerayîya çapemenî wende.
‘Seba ke îqtîdar berpirsîyarîya xo nêarde bi ca...’
‘‘Heta ke xebatê xelisnayîşî nêqedîyê gere xirbî nêrê hewanayene, seba ke Tirkîya herêma erdlerzî de ca gêna, ma nêeşkenê erdlerzî ra biremê. Na rastîye wina çiman ver o ya. Seba ke îqtîdar berpirsîyarîya xo nêarde bi ca erdlerzî benê felakete.’’
Gere xirbî nêrê hewaneyene
‘‘Hema binê xirban de bi hezaran însanî est ê. Gere ê însanî bi hewayêko munasîb bêrê vetene û kesê ke merdî gere yew parçe keyeyanê înan rê bêrê teslîmkerdene. Coka heta ke xebatê xelisnayîşî nêqedîyê gere xirbî nêrê hewaneyene.’’
