Emîne Şenyaşara ke qirkerdişê pawitoxanê Wekîlê AKPyî Îbrahîm Halîl Yildizî û merdimanê ci de mêrdeyê ci Esvet Şenyaşar û lajê ci Adîl û Celal Şenyaşar cuya xo vînî kerde verê roniştişo ke siba do bêro kerdene pîya bi lajê xo Ferît Şenyaşarî dest pê çalakîya roniştişî kerdbi.

Çalakîye roja hîrin de dewam kena. Keyeyî waşt ke Serdozgerîya Komere de pêvînayîş bikero la no waştiş heta nika nêame qebulkerdene.

Wekîla HDPyî ya Riha Ayşe Surucu, Hemsereka Bajarî Çîgdeme Karakeçili û Maya Haştîye Hadle Ogur Dayîke Emîne Şenyaşar zîyaret kerde. Şenyaşare vat heta caardişê waştişanê ci ê do çalakîye rê dewam bikerê.

Şenyaşare seba ke Serdozgerîya Komare cewabê waştişê pêvînayîşî nêdayo nêrazîbîyayîş ramojna û vat: ''Keyeyê ma qetil kerd, nê zî înan rê qîm nêkerd lajê mi tepişna. Dozger ma de pêvînayîş nêkeno. Mêrde û qijê ma nêweşxane de verê çimanê mi de qetil kerdî. Qey qeydanê nêweşxaneyî nêvejenê werte? Heta caardişê edaletî ez do tîya de bê. Wa qetilkarê qijanê bêrê cezakerdene.''