Paştgîranê Hemleya 'Abdullah Ocalanî rê Azadîye, Meseleya Kurdan rê Çareserîye' ra Sekreterê Neteweyî yê Yewîya Partîzananê Îtalya (ANPI) Fabrizio De Sanctisî derheqê tecrîdê Îmraliyî û serebûtanê peyênan de ANFyî rê qisey kerd.

Fabrizio De Sanctisî îfade kerd ker esîrkerdişê Rayber Apoyî esîrkerdişê kurdan o û vat: ''Abdullah Ocalan de pêvînayîş çîyêko pozîtîf o. Mi zîyaretê xo yê Amedî de dî ke şarê kurdî Abdullah Ocalan sey lîderê xo vîneno. Coka kurdî esîrkerdişê Rayber Apoyî qebul nêkenê. Seba çareserîya meseleya kurdan firsendêko pîl est o, rewşêka winayêne de newe ra qedexekerdişê pêvînayîşê bi Ocalanî rewşêka cidî ya. Dûrvistişê hîrê şaredaran zî mîyanê ney de yo.''

Sekreterê Neteweyî yê ANPI Fabrizio De Sanctisî da zanayene ke Rayber Apoyî mesajê xo yê seba rayaumûmîye ame dîyene ke o terefgîrê çareserîya meseleya kurdan o. Fabrizio De Sanctisî vat: ''Mesajê Ocalanî seba haştîye mesajêko samîmî yo. Ganî destûr bêro dayene ke o bi rolê xo yê sîyasîyî têbigêro. O ganî Meclîsê Tirkîya de qsey bikero. 

Abdullah Ocalan seba ke çareserîya mesele bikero ganî bi hawayêkê fîzîkî azad bibo. Ocalan ganî sey merdimêkê azadî bieşko qisey bikero. Ganî o bieşko embaz, endamanê partîye û şarê xo de dîyalogî bikero.''