Hêzanê pêşmergeyan û hêzanê asayîşî yê Kerkûkî seba pawitişê qeza bire daye ke Kerkûk de baregehêko hempar bêro akerdene. Cepheyê tirkmenan seba ke verê naye bigêro Tirkîya û Rêxistina Îstîxbaratî ya dewleta tirke (MÎT) reyde têkilîye naye ro.

Kerkûk de verê cû zî MÎTî çend çalakîyî û teqayîşî kerdî ke şaristan de alozîye vejo. Îstîxbaratê Iraqî zî sey mesuldaranê nê çalakîyan 2 kesî tepiştbî û eşkera kerdbi ke nê kesî seba MÎTî xebitîyenê. Heman roje cepheyê tirkmenan waşt ke Bexdad zîyaret bikerê ke nê di kesî bêrê veradayene.

Nika zî cepheyê tirkmenan û MÎT pîya xebitîyenê ke pêşmergeyî û hêzê asayîşî pîya baregekê nêronê. Terefê kurdî zî pê na hamle hayîdar ê la hema zî înan vera cepheyê tirkmenan û MÎTî tewirêk nêmojna.