Delagasyonê Haştîye yê Mîyanneteweyîye yê Îmraliyî yo ke welatanê cîya-cîyayan ra hetê 9 akademîsyen û aktîvîstan ra ameyo awankerdene, mabênê 11-16’ê Sibate de Kurdistan û Tirkîya de pêvînayîşan do bikero.
Heyeto ke tarîxnas Îzlandanij Ogmundur Jonasson, sendîkagerê Ingilîzî Manuel Cortes, ekonomîstê Arjantînijî û çalakgerê heqê merdiman Beveryl Ann Keene, huquqnasê Îngîlîzî Paul Scoheley, aktrîsê Îngilîzî Maxîne Peak, wendekarê felsefeyî yê DYE'yî Connor Hayes, sendîkagerê Ingilîzî Tony Burke, nuştoxê Ingilîzî John Hunt û hunermendê resiman û rejîsorê Îngilîzî Jonathan Spaull ra ameyo awankerdene, Kurdistan û Tirkîye de pêvînayîşan do bikero.
Heyeto ke seba Îmraliyî de Rayberê Şarê Kurdî Abdullah Ocalanî de û selahîyetdaranê wezaretê edaletî de pêvînayîşan bikerê muracat kerd, 12’ê Sibate ê do hemsereka HDP‘yî Pervîn Buldane reyde pêvînayîş bikerê. Heyet Merkezê Pêroyî yê HDP’yî de do eşkerayêk bidê û eynî roje Komela Heqanê Merdiman, Weqfê Heqanê Merdiman ê Tirkîya û Sendîkaya Kedkaranê Pêroyî de do bêrê têhet.
Heyet 13’ê Sibate do derbazê Amedî bibo, eke şert û mercî destdaye bê ê do Leyla Guvena ke hîna zî grevê vêşanîye de ya, bivînê. Heyet temsîlkaranê rêxistinanê cimatan ê sivîlan zî do bivîno.
Heyet 14’ê Sibate de temsîlkaranê KCD’yî, temsîlkaranê DBP'yî û Dayikanê Haştîye reyde do pêvînayîşan bikero.
Bado zî heyet do derbazê Stenbolî bibo û bi avûkatanê Bûroyê Huqûqî yê Asrinî reyde weşanîyêk çapemenîye do bikero.
Di endamê heyetî Ogmundur û Connorî verê pêvînayîşanê Enqere, do serdena çalakwananê grevê vêşanîye yê Strasboûrgî yê Fransa bikerê.
