Colemêrg de vera destsernayîşê şaredarîye DEM Partî têkoşînê roja hewtine de dewam keno. Rêxisitina DEM Partî ya Colemêrgî semedê tewrbîyayîşê mîtîngê ''Şaredarîyî yê ma yê , ma destûrê destsernayîşê nêdanê'' yê  13ê hezîrene veng da.

Verê banê DEM Partî de eşkerayîye ameye dayene Hemsereka DEMî ya ya bajarî Humeyra Armut semedê tewrbîyayîşê mîtîngî veng da şarî. Humeyra Armud reyna ard ziwan ke îradeyê şarê Colemêrîgî Mehmet Siddik Akiş û Vîyane Tekçe yê û nê vatî: ''Partîya ma rixmê heme xîleyanê îqtîdarî weçînayîş de ser kewt. Îqtîdaro ke bi zext û xîleyan ser nêkewt bi destsernayîşî Kurdîstan de huqûqê dişmenîye dano rayraberdene. Na derbeya sîyasîye ya vera îradeyê şarê kurdî ya. No hêrişê vera şaredarîyîya komelî û hemserekîye yo. Şarê Colemêrgî vera destsernayîşê şaredarîye têkoşîno xurt da.

Na çarçewa de 13ê hezîrane de  do mîtîngê ''Şaredarîyî yê ma yê , ma destûrê destsernayîşê nêdanê'' bêro kerdene. Ma veng danê şarê xo ke tewrê mîtîngî bibo wayîrê îradeyê xo bivejîyê.  Tirkîya û Kurdîstan ra şarê ma do bi vatişê ma semedê demokrasîyî şinê Colemêrgî do tewrê mîtîngî bibo. Nika wextê xurtkerdişê têkoşînê Colemêrgî yo,wextê ci yo ke faşîzmê qeyûmî rê peyser game bidîyo eştene.''

Badê eşkerayîye Hemşaredare Vîyane Tekçe veng da şarî ke wa terê mîtîngî bibo. Eşkerayîye bi çalakîya roniştişî ya 10 deqeyan dewam kerde. Eşkerayîye de semedê wayîrvejîyayîşê îradeyê şarê kurdî ame vengdayene.

Eşkerayîye bi slogananê “Bexwedan jiyan e”, “Ma do bi têkoşînî ser bikewê” qedîyaye.