DEM Partî encamnameyê kombîyayîşê Meclîsê Partî ya xo pare kerd. Encamname de bale ameye antene muhîmîya haştîye bianore ser û ame vatene ke bi hatşîya Tirkîya haştîye do bêra Rojhelatê Mîyanênî zî.

Encamname de bale ameye anetene serê  pêkewtişanê Fîlîstîn û Lubnanî û tengijîyayîşê Îran-Îsraîlî ser û  wina ame vatene: T''irkîya û Kurdîstan tam binateyê na cografya û denklemê zafhetinî de yê. Çeteyê ke îqtîdarê AKP-MHPyî cayanê îşxalkerdeyan ê Rojawanî de ca kerdî ke destkeweyanê şarî destê ci ra bigîrî, tesfîkerdişê înan de rojdem de yo. Reyna poltîkayê hêrişê îşxal û îlhakî yê vera Başûrê Kurdîstanî de zî tengayî deyê. Îqtîdar bi polîtîkayanê xo yê qirkeran kewto tengayî. Îqtîdaro ke polîtîkayanê îşxalî rayra beno, bi polîtîkayanê rant û talanî tehluleyê helisnayîşê komelkî û rijnayîşî afirna.

Muneqeşeyê çareserîye newera kewtî rojdem. No muhîm o la vatişê verênî yê sey 'teslîmgirewtîşî' xelet ê. Partîya ma semedê çareserî rolê heme hetan muhîm vînena û vana ke çareserîye ganî îqtîdarî ra mero waştene, çareserîye bi prosesê ke pêro hetê şarî tewrê ci benê mumkun a. Haştîye têna bi partîyanê sîyasîyan û hetan nêbena; ganî wayîrvejîyayîşo komelkî bibo.

Gama verêne ya haştîye ganî tecrîdê serê Birêz Abdullah Ocalanî bêro wedaritene. Xora rolê Ocalanî semedê prosesê çareserîye eşkera yo. Badê 43 mengan pêvînayîş ame kerdene la tecrîd dewam keno. Ê bi xo zî vato 'Eke şertî bêrê afirnayene, ez wayîrê hêzê teorîk û pratîk a ke ez prosesî pêkewtiş û şîdetî ra bikirişê huqûq û sîyasîyî.' Coka ganî sere de azadîya ci ya fîzîkîye, şertê weşî, asayîş xebityayîşî bêrê caardene ke o bieşko mîsyonê xo bîyaro ca. 

Zemînê muzakere û dîyalogî têna bi şertanê azad û seyyewbînan benê. Ma sey DEM Partî veng danê ke semedê çareserîya demokratîke ya meseleya kurdan û azadîye wa heme hetê sîyasî û komelkî  îmkananê xo yê semedê haştîye xurtêr bikerê.''