Komîsyonê Koçber û Multecîyan ê DEM Partî bi wesîleya 18ê kanûne Roja Koçberan eşkerayîye daye.

Eşkerayîye de ame parekerdene ke heqê koçberan tewr zaf Rojhelatê Mîyanênî eleqedar kenê. Komîsyonî bale ante ser ke dewleta tirke multecîyan sey babeta bazarîye û şantajî vînena. 

Komîsyonî vat: ''Seba qedînayîşê kolonyalîzmê keda koçberan, ganî heqê sendîka û sîgorta yê koçberan bêrê dayene. Wezîrîya ke patronan pawena ganî rayîr nêda kolekerdişê koçberan.''

Komîsyonî vist vîrî ke koçberî bi 'sînorî ra teberkerdişî' yenê tehdîtkerdene û koçberê cinîyî Tirkîya de raşrê hêrişanê cînsîyan yenê la tersî ra nêeşkenê vengê xo bikerê.

Komîsyonî dîyar kerd ke hêrişanê dewleta tirke ya îşxalkere û cerganê ci yê Artêşa Milî ya Sûrîye (SMO) ra Rojawan de bi hezaran kesan koç kerdo. Komîsyonî vat: ''Mesuldarîya ma ya ke ma paştî bidê nê koçberan.''

Eşerayîye de ame vatene ke seba vergirewtişê binpaykerdişê heqan gamê zelalî bierzîyê û paştî bidîya koçberan.''