Heyetê Rayberdişî yê Merkezî yê DEM Partî bi eşkerayîyêke xoverdayoxê Rojeyê Mergî yê Pîlî yê 14ê Temmuze yad kerdî. Eşkerayîye wina ya:

''Hayrî Durmuş, Kemal Pîr, Akîf Yilmaz û Alî Çîçekî 42 serrî verî 14ê temmuza 1982yî de vera sîstemê îşkence, zulm û teda  meşaleya xoverdayîşî viste ta. 14ê Temmuze tarîxê têdûştîye, azadîye û cuya rûmetêne yo. 

Hêrişê darbekaran Zîndanê Amedî de bi Xoverdayîşê 14ê Temmuze ameyî pûçkerdene. Rojeyê Mergî yo Pîl bîyo serfîrazîya îrade û bawerîye û îsbat kerd ke îradeyê şarî pê pêro îmkananê darbekeran bieşko.

Darbekarî û mezge darbekeran wextê 12ê Êlule de nêeşkayî biresê armancanê xo la  hema zî nê armancanê xo de israr kenê. Senî ke o mezgê darbekeran ewro dewam keno, Xoverdayîşê 14ê Temmuze zî hetê warê sîyasetê demokratîkî ra kirişîya roja ma ya ewroyîne.

Ewro no têkoşîno tarîxî her warî de bi hawayêkê tûjî dewam keno. Hetêkî ra mezgê darbe yo ke sîyasetmedaranê ma erzeno hepsî, qeyûman tayîn keno, sey Dewaya Kobanê bêhuqûqîye keno; hetê bînî de têkoşînêko mende. Tewr peyên vera Şaredarîya Colemêrgî qeyûm ame tayînkerdene û merdimî bi rojan o vera ney payan ser de yê. No xoverdayîşo ke 14ê Temmuze ra nata dewam keno têkoşînê pawitişê cuya rûmetêne yo.

Ma ê kesanê ke wextê Xoverdayîşê 14ê Temmuze de û dima dinyaya xo bedilnaya bi rêz û hûrmetî yad kenê. Ma wayîrê nê mîrasê rûmetênî vejîyenê û soz danê ke naye ra pey zî do nê mîrasî mîyanê têkoşînê xo de bipawê. Hêzê demokrasîyî vera sûcanê serê komelî qetî do yewîya hêzê xo bîyarê ca. Bi nê hawayî mumkîn o ke ma do mezgê darbekeran ra bixelisê.''