Heyetê Rayberdişê Merkezî yê DEM Partî bi wesîleya serrgêra 12ine ya Şorişê Rojawanî eşkerayîyêka nuştekîye daye.

DEM Partî vat: ''Şorişê Rojawanî şorişêko winayên o ke cinîyan serkêşîya ci kerda, şaranê sey kurd, ereb, tirkmen, misilman, xirîstîyan, elewî û êzidîyan pîya seba ameyoxî xo ver da, bedelî dayî û bira ameyoxê xo daye.

Hema zî vera Rojawanê Kurdîstanî hêrişî dewam kenê. Eke şima gêrenê dîyalog û muzakereyan, bi Îdareyê Xoserî yê Rojawanî dest pêbikerê. Hêrişê vera Şorişê Rojawanî û bêvengîya vera nê hêrişan sûc ê. No şoriş dîyarîya pêro dinya ameyo kerdene. Pawitişê nê şorişî mesuldarîya ma ya pêroyîyan a. Sere de şarê ma, pêro komel ganî hîsger bibê, wayîrê Şorişê Rojawanî vejîyê, nê şorişî pîlêr bikerê û têkoşînî rê dewam bikerê.''