Rêxistina DEM Partî ya Qoserî vizêr taxa Eskî Malîye de bi beşdarîya namzedanê xo yê Şaredarîya Mêrdînî Ahmet Tuk û Devrîme Demîr, Wekîle Bêrîtane Guneş û namzedê Şaredarîua Qoserî Zeynî Îpek û Hamdîye Turgay buroyê weçînayîşî akerd.

Esnafan eleqeyêko pîl mojna namzedanê DEM Partî. Girse bi def û zurneyan ame pêşwazîkerdene û şarî girseyî reyde govende girewte.

Devrîme Demîr akerdiş de qisey kerd û pare kerd ke wextê şaredarîya xo de ê do xebatanê kultur, ziwan û nasnameyî aver berê.

Ahmet Turkî zî îfade kerd ke seba ke sîstemê zulmî bêro rijnayene ganî şarê kurdî yew bibo û vat: ''Şarê kurdî qeyûman qebul nêkeno. Şarê ma nê weçînayîşî de bi xurtî paştî dano partîya ma.

Dima Mayanê Haştîye buro akerd. Mayanê Haştîye verê buroyî de govende girewte û girseyî de çepikî dayî piro.