Hemvervatoxanê Komîsyonê Bawerî û Şaran ê DEM Partî Yuksele Mutlu û Mahfuz Guleryuzî bi wesîleya serrgêra Qirkerdişê Çorumî eşkerayîyêke daye.

Eşkerayîye de ame vîrvistene ke 44 serrî verê cû mabênê 29ê gulane û 3yê temmuza 1080î de Çorum de vera elewîyan qirkerdişêko pîl ameyo kerdene. DEM Partî bale ante ser ke bi destê dewlete xeylêk reyî elewîyî û kurdî ameyê qetilkerdene.

DEM Partî vat: ''Ewro hetê îqtîdarê AKP-MHPyî yê faşîstî ra bi polîtîkayanê asîmîlasyon û çinhesibnayîşî kurdî û elewîyî ancî yenê qirkerdene. Qirkerdişê sey Çorum, Mereş û Madimakî hema zî vîrê şaran de bi dejê xo teze yê. Seba ke nê qirkerdişî ancî nêqewimîyê ganî her kes vîrê komelkîyî bipawo û raştîyan de têrî bêro.

Ma cananê xo yê ke Çorum de ameyê qirkerdene bi rêzî yad kenê û qirkeran lanet kenê. Heta awankerdişê komelêkê aram û haştîyaneyî têkoşînê ma do dewam bikero.''