Hemvervatoxanê Komîsyonê Heqanê Merdiman ê Huqûqî yê DEM Partî Sevda Çelîk Ozbîngol û Ozturk Turkdoganî bi eşkerayîyêke qurbanê Qirkerdişê Zîndanan ê 19ê Kanûna 2000î yad kerdî.

Eşkerayîye de ame vîrvistene ke 19ê kanûna 2000î de 20 zîndanan de tewr tay 30 tepişteyî ameybî qetilkerdene û 300 tepişteyî zî birîndar bîyê. Komîsyonî vat: ''No qirkerdiş bi gazanê kîmyewîyan û barbarîyêka pîle ame kerdene, dewlete zî nameyê ci kerd 'Cuye rê Agêrayîş.' Rixmo ke qirkerdiş 24 serrî xo pey de verdayê hema zî mesuldarî nêameyî cezakerdene.

Hema zî zîndanan de îşkence, qirkerdiş û tecrîd dewam kenê. Zîndanê Îmraliyî de zî metodêkê îşkjenceyî yo taybet yeno caardene. Ma veng danê ke no tecrîd wa cade bêro wedaritene.''