Meclîsê Cinîyan ê DEM Partî bi eşkerayîya çapemenîye da zanayene ke seba vîrameyîşê Gulîstane Doku turnuvaya futbolî dano destpêkerdene.

Hemvervatoxa Meclîsê Ciwanan Edanure Îbrahîmoglu eşkerayîye wende.

Edanure pare kerd ke îqtîdar bi polîtîkayanê şerê taybetî cinî û ciwanan keno û keno ke weşkerdişê cuyêka sexte cinî û ciwanan kulturê înan ra dûrî bikero.

Edanure vist vîrî ke înan tebaxe de bi şîarê 'Vera Şerê Taybetî Xoverdayîşê Biheybetî' kampanyayêke dabî destpêkerdene û vat: ''Ma bi şîarê 'Vera Şerê Taybetî Ciwanî Seha de Yê' emser Turnuvaya Futbolî ya Gulîstane Doku serûber bikerê. Ma venga pêro embazanê xo danê ke vera polîtîkayanê şerê taybetî vejîyê sehayan.

Ma do rêxistinîya ciwanan xurtêr bikerê û têgêrayîşê demokratîkî berz bikerê.

Embazî eşkenê heta 21ê gulane rêxistinanê DEM Partî de seba turnuva qeydê xo virazê. Bi taybetî ma venga embazan ê cinîyan danê ke seba le vera dişmenîye tewir bigêrê û rolanê cînsîperestan red bikerê tewrê na turnuva bibê.''