Şewatê mabênê qezaya Xana Axparî ya Amed û qezaya Şemrexî ya Mêrdînî de14 kesan dinyaya xo bedilnaye. Hemserekanê Pêroyî yê  DEM Partî Tulaye Hatimogullar û Tuncer Bakirhanî û Hemsereka Pêroyî ya DBPyî Keskîn Bayindir, hemşaredarê Wan, Amed û Mêrdîn û qezayan û temlîskaranê komelê sîvîlî tazîyeyî zîyaret kerdî.

Bayindirî vist vîrî ke her serre Kurdîstan de şewat vejîyeno bale ante ser ke şewato peyên bi destê DEDAŞî ameyo vetene û nê vatî: ''Rixmo ke dewijan muracat kerd ke wa şirîtê ceyranî ê dewam bêrê tehmîrkerdene înan tehmîr nêkerdî. No ame îspatkerdene. Berpirsîyarê nê şewatî DEDAŞ o. Ma hela verêne ra cayê şarê xo de bî, ma helîkopterê hewnakerdişî waştî la nêşawitî. Ma do verê na dişmenî de milê xo çewt nêkerê. Kurdî çend dejê pîlî zî biancê ê dişmenîye kenê. Ma vizêr zî reyna dî medayaya sanale de senî bi şewatî bîyî şayî. Vizêr na şarê ma Serhed, Amed û Botanî ra verê xo dano warê şewatî û paştî dano keyeyanê ma. Ma do bi paşdayîşî nê dejî sist bikerê.''

Tulaye Hatimogullari zî serweşîye û birîndaran rê şîfa waşte û vat: ''Têna ma bi yewbîyayîş û xurtkerkdişê têkoşînê vera nê sîstemê ke ma mergî rê caverdayo, ma eşkenê dejê xo bikerê kêm. Berpisîyaro verên ê nê şewatî DEDAŞ o. Têlê ceyranî 35 serrî yo nêameyî temîrkerdene. Ma do paştî bidê şarê xo peyê nê cameverdê.''