Taxa Çûlî ya qezaya Rezanî ya Amedî de Narîne Gurana 8 serre amebî qetilkerdene. 

Komîsyonê Huqûqî yê DEM Partî bi gerrenameyî muracatê Serdozgerîya Komare kerd û waşt ke înanê ke tehqîqatê qetilkerdişî asteng kerdo û delîlî nimitî wa bêrê cigêrayene.

Derheqê babete de Hemvervatoxa Komîsyonê Huqûqî Sevda Çelîk Ozbîngol verê serdozgerîye de eşkerayîye daye.

Sevda vist ke Wekîlê AKPyî Galîp Ensarîogluyî vatbi ke ''Ge ge merdimî tayê çîyan zanenê la nînan nêanê ziwanî.'' Sevda bale ante ser ke nê qiseyan ra zî eşkera yo ke delîlê dosya ameyê çinkerdene.

Sevda bale ante ser ke ganî têkilîya mabênê verguman Salîm Guran û Ensarîogluyî bêra cigêrayene û qeydê HTSyî bêrê tesbîtkerdene.