Hemserekê Pêroyî yê HDPyî yo verên Selahattîn Demîrtaşî roniştişê dewaya ci ya esasî ke bêtepişte yeno muhakemekerdene de qisey kerd û vat o do heyetê mehkmeme ra hesab biperso.

Roniştiş Mehkemeya Cezaya Girane ya 19. ya Anqara de ame kerdene. Xeylêk wekîlê HDPyî îdarekarê partîye tewrê mehkeme bîyî. Demîrtaş Zîndanê Edîrne ra pê sîstemê SEGBİSî tewrê mehkeme bi.

 Demîrtaşî vera heyetê mehkeme nêrazîbîyayîş ramojna û vat: ''Şima goreyê huqûqî nê goreyê sîyasetî têgêrenê. Şima paştî daye dîktatorîya yew merdimî. Şima mudaxaleyê îdareyê Tirkîya kerd. Vervatoxê şima Erdogan, Bahçelî û Soylu vanê şima zî anê ca.  Her qerarê şima welatî fînayeno mîyanê tengayîye. Semedê îqtîdarî xo feda mekerê. Îqtîdar do nê vîjnayîşî de se ra 99 bibedilîyo. Komîsyonê hukmî yê meclîsî do venga şima bido û dosyayanê ma şima ra biperso. Ez sond wanena ke çîyê ke şima verê huqûqî de mi rê kerdî ez do hesabê nayî şima ra bipersê.''

Avûkatê Demîrtaşî Mahsunî Karamanî zî qerarê Mehkmeya Heqanê Merdiman a Ewropa (MHME) yê derheqê Demîrtaşî de vist vîrî û waşt ke waşt ke wa qerarê MHME bêro wendene û goreyê ci qerar bêro girewtene. Karahanî  vat eke waştişê înan nêro ca ê do tewrê muhamekerdişî mebê.

Heyetê mehkeme ronişo bîn 14ê nîsane rê pey de eşt.