Endamanê Heyetê DEM Partî yê Îmralîyî Sirri Sureyya Onder, Pervîne Buldan û Ahmet Turkî Zîndanê Edîrne de Hemserekê Pêroyî yê HDPyî yo verên Selahattîn Demîrtaş û Hemşaredarê Bajarê Pîlî yê Amedî Selçuk Mizrakli zîyaret kerdî.

Sirri Surayya Onderî badê pêvînayîşî eşkerayîye daye û nê vatî: ''Selahattîn Demîrtaşî û Selçuk Mizrakliyî selam kerdî. Rewşa weşîya înan hol a. Ê tam paştî danê prosesî. Selahattîn Demîrtaş do medyaya sanale ra eşkerayîye bido.''

Dima ra Selahattîn Demîrtaşî medyaya sanale ra eşkerayîye daye û nê vat: ''Ez bi wesîleya zîyaretê  Heyetê Îmraliyî yê  partîya ma selam û heskerdişê xo şawena û heyetê ma rê spas kena. Paşta mi partîya ma DEM Partî û Birêz Abdullah Ocalanî ra yo ke Îmrali de semedê çareserîya demokratîke û haştîye keda pîle dano, pêt a û ez paştî dana înan.''