Vera Hemserekê verênî yê tepişteyî yê HDPyî Selahattîn Demîrtaşî bi îdîaya ke 27ê sibata 2016î de mîtîngê Mersînî de serekwezîrê ê çaxî Ahmet Davutogluyî rê heqaret kerdo dewa amebî akerdene. Roniştişê bire yê dewa Mehkemeya Cezaya Girane ya Mersînî de ame kerdene.

Demîrtaş pê rayîrê SEGBÎSî tewrê roniştişî bi û vat: ''O hînî lîderê partîyêka muxalefetî yo la heta nika na dewa ra fek vera nêdayo. No senî sîyaset o.''

Heyetê mehkeme cezaya zîndanî ya 11 mengan û 20 rojan daye Demîrtaşî.