Depê Xarpêtî de sey bajaranê bînan ê Kurdîstanî xebatê DEM Partî bi coşî yenê domnayene. Şarê Depî qerardar o ke şaredarîye îqtîdarê AKPyî ra bixelisno.

Namzeda Şardarîya Depî ya DEM Partî Songule Duzgun vat: ''Dep nika bi zîhnîyetê AKPyî yeno îdarekerdene ke sey caardişê qeyûmî yo. Wextê ci ameyo ke Dep û heme Kurdîstan ra no zîhnîyet bêro şawitene. Ma her hetî ra semedê asayîşê weçînayîşî hazîrîya xo kerda la şarê ma ra waştişê ma oyo ke badê şuxulnayîşê raya xo wa sindoqan bipawê. Yew raye zî yew ray a. Ganî şarê ma şiro sindoqan ser û wayîrê îradeyê xo bivejîyo. Bi rayêke sîstem eşkeno bêro bedilnayene. AKP reyna xîleyê xo fînayî dewre. Vera nê ganî her kes bêro raya xo bişuxulno. Ma verê kayanê AKPyî de milê xo çewt nêkenê.  Ma wayîrê îradeyê xo vejîyenê. Dep ê Demî yo û 31ê adare şinê yê xo genê.''