Amed de 16 rojnamegerî 16ê hezîrane de ameybî tepişteyene. Hakîmîya Cezaya Sulhe ya Amedî ercnayîşê xo yê mengane de reyna bire daye ke wa tepişîyayîşê rojnamegeran dewam bikero.

Avûkatê rojnamegeran Resûl Temurî da zanayene ke dosyaya rojnamegeran ser o bira nimite est a, ê nêeşkenê xo biresnê dosya coka nêeşkenê sûcdarkerdişan ser o pawitişî zî bikerê. Temurî îfade kerd ke heqê 'muhakemebîyayîşê edîlî' yeno binpaykerdene.

Temurî pare kerd ke rojnamegerî goreyê qanûnan bêsûc ê û înan seba ke karê xo kerdêne bi 'endamîya rêxistine' ameyê sûcdakerdene. Temurî ard ziwan ke kerdişê vera 16 rojnamegeran û bira tepiştişî dûştê azadîya çapemenîye yo.