Babîyê Jîna Emînî, Emced Emînîyî hesabê xo yê Instagramî ra da pêhesnayene ke  derheqê ey de qerarê destbendkerdişî ame girewtene.

Emced Emînî da zanayene ke Mehkemeya Şorişî ya Saqizî 24ê çeleyî de derheqê ey de bi sûcdarîya ''propagandaya vera dewlete'' û ''vilakerdişê xebera zûre'' dewa akerda.

Emcedî ard ziwan ke o vejîyayo edlîye û derheqê ci de qerarê destbendkerdişî ameyo girewtene û heta mehkeme do tepişte bimano.

Dîya zanayene ke seba ke Emced Emînî vera tesdîqkerdişê cezaya îdamî ya vera Pexşane Ezîzî mesajêk pare kerd, derheqê ey de qerarê destbendkerdişî ame girewtene.