Derheqê Ferhat Tunçî de bira tepiştişî dîyaye

Hunermendo dêrsimij Ferhat Tunç parekerdişê medyaya komelkîye ra bi îdîaya 'serekkomarî rê heqaret' ameyêne hukmkerdene. Derheqê Tunçî de bira tepiştişî dîyaye.

Hunermendo dêrsimij Ferhat Tunç parekerdişê medyaya komelkîye yê serra 2016î ra bi îdîaya 'serekkomarî rê heqaret'  ameyêne hukmkerdene. Roniştişê dewaya Tunçî Mehkemeya Cezaya Girane ya 14. ya Buyukçekmece de ame kerdene. Tunço ke surgunê Almanya bîyo,  tewrê roniştişî nêbi la avûkata ci Fatma Hopîkogu roniştiş de amede bîye.

Roniştişê verênî de dewleta tirke waştbi ke hukmatê Almanya îfadeyê Tunçî bigêro. La Almanya çarçewa azadîya îfadekerdişê fikran de waştişê dewleta tirke red kerd.  

Mehkeme bire daye ke seba ke Tunç bêro ardene Tirkîya derheqê ci de bira tepiştişî daye.  

Roniştiş taloqê 23ê sibata 2021î ame kerdene.