Înîsîyatîfê 'Ocalanî rê Azadîye, Kurdîstanî rê Haştîye' derheqê wefatê aktîvîstê anarşîst, antropolg û dostê kurdan David Graeberî de eşkerayîyêke daye.

Eşkerayîye wina ya: ''2ê êlula 2020î de embaz û dostê ma David Graeberî nişka ra dinyaya xo bedilnaye û ma zaf dejîyê. Ma keye, embazanê ci rê serweşîye wazenê.

David Graeberî bi hawayêkê cîyayî ewnîyayêne dinya. David seba têgêrayîşê 'Wall Street îşxal bikerê', seba şorişê Kurdîstanî, bi taybetî seba Rojawanî tim têgêra. Davidî bi teorîyanê xo paştî daye nê xîretan.

Davidî 5 serrî verê cû vera kesanê ke bi hawayêkê şikdarî nêzdîyê Şorişê Rojawanî bîyêne vat: 'Nê tîya de şorişêko raştikên yeno caardene.' Felsefeya Abdullah Ocalanî tim şirove kerde.

David Graeberî Têgêrayîşê Azadîye yê Kurdîstanî rê tim hetkarîye kerde. Ma do Rojawan û her ca de ke rûhê merdiman tede azad ê, ey yad bikerê.''