Derheqê Edîtorê Ajansê Mezopotamya (MA) Abdurrahman Gokî de bi beyanê îtîrafker Umît Akbiyikî dewa amebî akerdene. Dewaya bi îdîaya 'endamî û propagandaya rêxistine' dewam kena. 

Roniştişo pancin ê dewa Mehkemeya Cezaya Girane ya Dîyarbekîrî de ame kerdene. Hemsereka DFGyî Dîcle Muftuoglu, Serekê DÎSK-Basin ÎŞî Turgut Dedeoglu û HRWyî zî roniştiş teqîb kerd.

Mehkeme de eşkera bi ke derheqê rojnameger Abdurrahman Gokî de tehqîqatêko newe ameyo akerdene. Mehkeme bire daye ke roniştiş taloqê 30ê çeleyî bêro kerdene û nimûneya tehqîqatê neweyî wa bêra dayene.