Tehqîqato ke hetê Serdozgerîya Komare ya Amedî ra bi îdîaya 'serrekomarî rê heqeretkerdişî' derheqê Hemsereka Pêroyî ya Partîya Herêman ê Demokratîkan (DBP) ya verêne Sebahate Tuncela ke sey rehîne yena tepiştene, de dîyabi destpêkerdene ama temamkerdene.

Seba ke Tuncele 28ê teşrîna peyêne ya 2016î de çalakîya protestokerdişî ya ke vera destbendkerdişê Hemşaredaranê Şaredarîya Bajarê Pîlî yê Amedî Gultene Kişinak û Firat Anliyî de vato, ''Tayîp Erdogan dişmenê cinîyan o. Erdogan û AKP dişmenê kurdan ê. ''  Bi sûce 'serrekomarî rê heqeretkerdişî' ameye sûcdarkerdene.

Tuncele ard ziwan ke qiseykerdişê ci de çîyêko sey sûcî çîn o û vat: '' Azadîya fikr, îfade û rêxistinbîyayîşî yena astenkerdene. Bitaybetî zî bi nê tehqîqatan verê azadîya sîyasetkerdişî yeno girewtene.'' Dozgerî derheqê Tuncele de 1 serre ra heta 4 serran cezaya zîndanî waşte.