Zîndanê Şakranî yê Îzmîrî de kerdişê xirabî yê vera tepişteyan dewam kenê. Tepişte Bahare Karakaş Uluga ke 11ê tebaxe de Edîrne ra surgunê Zîndanê Şakranî ameya kerdene, pêvînayîşê telefonî de mêrdeyê xo Mehmet Ulugî rê qaka binpaykerdişê heqan kerde.

Bahare Karakaş Ulug da zanayene ke televîzyon, dolaba cemedî, kitanî nêdîyenê; koxûşî qerebalix ê û tepişteyan rê pay ra hûmaitiş yeno ferzkerdene.

Mehmet Ulugî îfade kerd ke cinîya ci nêweşa bipolarî ya la zîndan de dermanê ci nêdîyenê. Ulugî vat: ''Vengê aye telefon de xirab ameyêne. Seba ke ê newe şîyê Şakranî serê înan de teda est a. Ez zanena ke wexto ke a dermanê xo nêgêna kewena çi halî û ez tersena ke a xo bikişa. Ez wazena wa avûkatî, rêxistinê heqanê merdiman û pawitoxê heqan vera nê kerdişan vengê xo vejê.''