Wendekara Zanîngehê Munzurî Gulîstane Doku 5ê çeleyê 2020î ra nata vînîbîyaye ya. Keyeyê Doku ya ke tira xebere nîna girewtene verê Edlîyeya Dêrsimî de dest pê çalakîya roniştişî kerd. Çalakîya roja diyîne de dewam kerd.

Babî Halît Doku, dayîke Bedrîye Doku û waye Aygul Doku verê Edlîyeya Dêrsimî de ameyî têhet vat: ''Gulîstane Doku ha ça''  Platformê Demokrasî û Kede yê Dêrsimî û  Wekîlê HPDyî yê Dêrsimî Alîcan Onluyî zî paştî daye çalakîye. Dayîke Bedrîye Doku gama ke aqibtê kênaya xo persayêne xo ra şîye.  

Alîcan Onluyî vat: ''Gulîstane Doku vîn nêbîye ameyî vînîkerdene.'' Onluyî bale ante cigêrayîşanê edelatî yê cayanê bînan ê welatî ser û vat ganî aqibetê Doku bêro eşkerakerdene. Onluyî veng da ke wa her kes 5ê çeleyî de semedê Gulîstane Doku Meydanê Seyîd Rizayî de bêro têhet.