Çalakîya fedayî ya vera Wezîrîya Karanê Zereyî ra dima 18 şaristanan de bi operasyonanê keyfîyan tewr tay 90 kesî ameyî destbendkerdene.

2yê teşrîna verêne de Îstanbul û Kirklarelî de vera HDP û HDKyî operasyonî ameyî kerdene û 20 kesî ameyî destbendkerdene. Derheqê dosyaya destbendkerdeyan de bira nimiteyî est a û qedexe yo ke destbendkerdeyî 24 saetan avûkatê xo bivînê.

3yê teşrîna verêne de taxa Cûdîyî ya qezaya Cizîre ya Şirnexî de Hemsereka Merkezê Kultur û Ziwanî ya Birca Belekî Fatma Gîzleyîcî ameye destbendkerdene.

Wezîrê Karanê Zereyî Alî Yerlîkayayî pare kerd ke 3yê teşrîna verêne de 08.30 de bi beşdarîya 13 hezar 440 polîsan operasyonî dîyayê destpêkerdene û heta nika Mersîn, Wan, Riha, Mêrdîn û Aydin de 12 kesî ameyê destbendkerdene.

Yerlîkayayî da zanayene ke Riha, Mêrdin, Amed, Dilok, Mersin, Şirnex, İstanbul, Bursa, Êlih, Denizli, Adana, Kayseri, Antalya, Konya, Isparta û Kocaelî de zî 55 kesî ameyê destbendkerdene.

Hetê bînî ra serê sibayî Dêrsim de polîsan eşt xeylêk adresan ser. Îdarekarê Komeleya Munzurî Alî Yildiz û Ozkan Arslan, Serekê Yewîya Hingdaran o verên Kazim Tosun, muxabîtê Yeni Demokrasi Erhan Çita, Yapreke Kurban û Arzuye Ozdemîr bi temamî 6 kesî ameyî destbendkerdene.