Wekîla HDPyî ya Amedî Dersime Dag meseleya awe ya Bismilî berde Meclîs. Dersime ard ziwan ke dormeyê Bismilî pê çeman girewte yo la şar tengîya awe anceno.

Dersime vat: ''Dîya zanayene ke bi rojan awe nêdîyaye Bismil. Ma derheqê mesele de Îdareyê Awe reyde qisey kerd la înan zî îfade kerd ke DEDAŞ awe birneno.''

Dersime Dag bale ante ser ke prosesê janî de peysayîşê awe zaf birîsk o. Dersime Dag waşt ke bir û dinamoyê qeza ganî bêrê tamîrkerdene.

Dersime Dag Wezaretê Karanê Zereyî ra persa ke derheqê çareserîya mesele de projeyê înan esto yan nê, derheqê mesuldaranê mesele de tehqîqatêk dîya destpêkerdene û raşt o ke qestî ra awe nêdîyena tay taxan.