Roniştişo 15. yê Dewaya Kobanê ke tede 108 kesî yenê muhakemekerdene, roja 5. de Salona Roniştişî ya kampusê Zîndanê Sîncanî de yeno kerdene.  Roniştişê dewa ra verî Platformê 'Seba Aysele Tugluk 1000 Cinîyî' eşkerayîyêke daye.

Prof. Dr. Yasemîne Ozgun eşkerayîye wende û dîyar kerd ke Aysele Tugluk nêweşîya demansî ra nêeşkena zîndan de bimana û vat: ''Aysele Tugluk nêeşkena lazimîyanê xo bîyara ca. Xora çend mengî verî Beşê Tipê Edlîyî yê Zanîngehê Kocaelîyî raporêk dabi ke vatêne a nêeşkena zîndan de bimana.Goreyê mewzuatanê neteweyî û mîyanneteweyîyan ganî tepişteyê nêweşî bêrê veradayene. Seba ke Aysele tedawî biba ganî bêra veradayene. Mehkeme aye rê ferz  kena ke îfadeyê ci bigêra la no ferzkerdiş yeno manaya binpaykerdişê heqê pawitişî. Na rewşa vera Aysele vurîyaya îşkenceyî. Ganî no îşkence biqedo. Ma veng danê ke paştî bidê Aysele Tugluk.''